Yaar ki shaadi

Baarish thi vo bemausam ki,
Raat andheri hoti rahi.
Pal pal na gujra mera,
Aahat dil me hoti gayi.

Baadal ki oad suraj nikla,
Dhoop ne apni shuruvat ki.
Intezaar ka aant hua jab,
Baarat ne sab tayaari ki.

Din apni charam par tha,
Hawa ka rukh naram sa raha.
Jaise jaise sab sanskaar hue,
Mann vyakul sa hota raha.

Shaam andhera phir le ayi,
Mand mand thand phelti jaye.
Shuruvat jo ki hui thi akele,
Saath saath mein ant ho jaye.

Baarish gir aab tham gayi,
Raat ka andhera chala gaya.
Vo mere jeevan mein aai,
Aur mein pura ho gaya. 

My song

NA paise ki fikar, NA koi mujhe darr...
Kya chahta hai mann..
Kyu dil deewana mera..

Ye ankhen gayi bhar..
Hai shaam gayi dhal..

Kya chahta hai Mann..
Kyu dil bekabu mera...

Kyu hai vo bekarar...
Hu mein bhi bekhabar..

Kya chahta hai Mann..
Kyu dil bekabu mera...

Ajeeb

Khamoshi mein bhi ajeeb si awaz hai
Bin bataye tumne sab kuch keh diya
Bin sune hi vo sab kuch samajh gaye

Tyaag mein bhi ek ajeeb sa rasta hai
Jisne kiya tha usse sab kuch mil gaya
Jisne na kiya usne apna sab kho diya

Tanhai mein bhi ajeeb sa ehsas hai
Jab milti hai to akela sa kar jati hai
Jab na ho to bheed me ghum karti hai